banner
HomeTeamNewsPress ReleasesMembershipGalleryPublicationsContact
you are here > Press Releases
   

प्रेस बिज्ञप्ति

 

बरिष्ठ  साहित्यकार कृष्ण प्रसाद पराजुलीको अभिनन्दन

 

 

अन्तरराष्ट्रिय नेपाली साहित्य समाज न्यु योर्क च्याप्टर ले नेपाली भाषा साहित्यका कालजयी व्यक्तित्व श्री कृष्णप्रसाद पराजुलीले नेपाली साहित्य  भाषालाई पुरयाएको योगदानलाई कदर गर्दै मिति २०६६ फागुन गते तदनुसार फेब्रुअरी २१, २०१० मा एक सम्मान कार्यक्रम को आयोजना गर्यो | संयुक्त राज्य अमेरिकाको न्यु योर्क सहर स्थित नेपालीहरुद्वारा संचालित मानव अधिकार संस्था 'अधिकार' को सभा हलमा उक्त कार्यक्रम सम्पन्न भएको थियो |

अन्तरराष्ट्रिय नेपाली साहित्य समाज न्यु योर्क च्याप्टरका अध्यक्ष श्रीमती ज्योति पौडेलको अध्यक्ष्यतामा सम्पन्न भएको कार्यक्रमका प्रमुख अतिथि संयुक्त राष्ट्र संघ का लागि नेपालका आवासीय स्थायी प्रतिनिधि महामहिम राजदूत श्री ज्ञानचन्द्र आचार्य रहनु भएको थियो | प्रारम्भमा कार्यक्रमको संचालन समाजका महासचिव श्रीमती परिता राजभण्डारीले गर्नुभएको थियो | श्रीमती राजभण्डारीले च्याप्टरको छोटो परिचय दिदै बरिष्ठ साहित्यकारको अभिनन्दन गर्न कार्यक्रमको आयोजना गरिएको बताउनु भयो | प्रमुख अतिथिद्वारा मंगलधुनका बीच पानसमा दीप प्रज्ज्वलन गरी कार्यक्रमको उद्घाटन गरिए लगत्तै 'सैयौ थुंगा फूलका हामी ...' राष्ट्रिय गानले हल गुन्जायमान भएको थियो | तत्पस्चात समाजका सदस्य श्रीमती सीता खरेल, मोहिनी सैंजु लगायतका व्यक्तित्वद्वारा साहित्यकार पराजुली तथा वहाका धर्मपत्नी र प्रमुख अतिथिलाई पुष्पगुच्छाद्वारा स्वागत गर्नुभएको थियो |

 कार्यक्रमको मुख्य खण्डको संचालन च्याप्टरका सल्लाहकार तथा कलाकार शैलेश श्रेष्ठले गर्नुभएको थियो |

कार्यक्रमलाई सम्बोधन गर्दै कार्यक्रमका अध्यक्ष श्रीमती ज्योति पौडेलले समाजको उद्देस्यहरुका साथै संमानित व्यक्तित्व कृष्णप्रसाद पराजुलीका बारेमा छोटो मन्तव्य राख्दै सबैलाई स्वागत गर्नुभएको थियो |

उक्त कार्यक्रममा कवयित्रीहरु श्रीमती पूनम काफ्ले, श्रीमती गीता खत्रीकवि तथा कानूनविद विनोद रोका कवि अनन्त रिसालले रोचक तथा मर्मस्परशी कविताहरु वाचन गर्नु भएको थियो |

पराजुलीको व्यक्तित्व कृतित्वका साथै नेपाली भाषामा निजको योगदानको वारेमा डातारा निरौलाले प्रकाश पार्नुभएको थियो | यसै सन्धर्वमा डा. निरौलाले  श्री पराजुलीलाई एक निवान्धकारका रूपमा, एक वाल साहित्यकार  रूपमा, एक भाषा तथा व्याकरण विदका रूपका साथै निजको बहुआयामिक साहित्यिक व्यक्तित्वको उपर चर्चा गर्नु भएको थियो

प्रमुख अतिथि महामहिम ज्ञानचन्द्र आचार्यज्युले  अमेरिकास्थित बंगलादेशको नियोगले बंगला भाषाको योगदानमा सक्दो भूमिका खेलेको उदाहरण दिदै यहास्थित नेपालका कुटनीतिक नियोगहरुले पनि केहि गर्न सकिन्छ कि भन्ने सोचाइ रहेको जनाउदै समाजका एस्ता कार्यक्रमले नेपाली साहित्यको श्रीवृधिमा सहयोग पुग्ने चर्चा गर्नु भयो | उहाले साहित्य समाजलाई नियोगले सक्तो सहयोग  गर्ने समेत प्रतिबद्दता जाहेर गर्नु भयो |   

सम्मानित व्यक्तित्व श्री पराजुलीलाई सभाका अध्यक्ष प्रमुख अतिथिद्वयले संयुक्तरूपमा कदरपत्र प्रदान गर्नुभएको थियो | उक्त कदरपत्र ग्रहण गर्दै साहित्यकार पराजुलीले आफ्नो साहित्यिक लेखनको पृष्ठभूमिको बारेमा चर्चा गर्नु भएको थियो | महाकवि लक्ष्मीप्रसाद देवकोटा, राष्ट्र कवि माधव घिमिरेको सङ्गत प्रेरणाले साहित्यिक क्षेत्रमा लागेको जानकारी दिदै आफु छहत्तर भंज्यन्गामा लागेको भए पनि साहित्यलेखनमा क्रियाशील रहिरहने जानकारी गराउनुभएको थियो | आफु छहत्तर वर्ष को भएको सो भन्दा बढी संख्यामा साहित्यिक कृतिहरु नेपालीहरुका माझ पस्किसकेको जानकारी दिनुभएको थियो भने आफ्ना हरेक कृतिहरुको पुन:मुद्रित भएकोमा प्रशन्नता व्यक्त गर्नुभएको थियो| यसै क्रममा आफ्नो 'राम्रो रचना, मीठो नेपाली' लगाएतका कृतिहरुको प्रतिलिपि चोरी भएको मा दुख  मनाउ व्यक्त गर्नु भएको  थियो | देवत्व, मनुस्यत्व राक्ष्यस्यत्वमध्ये आफुले जहिले पनि मनुस्यत्वको हितका लागि सोच्ने लेख्ने गरेको बताउदै मानवता भन्दा अरु ठुलो केहि नहुने कुरा राख्नुभएको थियो | यसै क्रममा श्री पराजुलीले  देशको पीरले छाती दुख्ने गरेको कुरा गर्दै आफु / वर्ष पहिले नै अमेरिका आउन खोजेको भए पनि अमेरिका आउने प्रवेशाज्ञा नपाएको सो प्रक्रिया उपर गुनासो पनि व्यक्त गर्नुभएको थियो | दशवर्ष अगाडि पक्ष्य घातको विमारले सताएको चर्चा गर्दै ढिलाई भएपनि अमेरिकामा आएर नेपालीहरुका बीच माया साट्न पाउदा ज्यादै खुसि भएको व्यहोरा उल्लेख गर्नुभएको थियो | अमेरिकामा झन्डै तीनमहिना रहदा एकदिन पनि वन्ध हडताल नदेखेकोमा आश्चर्य मान्दै न्यु योर्क सहरलाई प्राचिन अर्वाचीन सभ्यताको सङ्गम रहेको अनुभूति संगालेको उल्लेख गर्नु भएको थियो   अन्त्यमा मानवीय भावको कविता सुनाउदै कार्यक्रमको आयोजना गरेकोमा धन्यवाद ज्ञापन गर्नुभएको थियो |

समाजका उपाध्यक्ष श्रीमती पूनम काफ्लेले कार्यक्रमका लागि हल उपलब्ध गराई सहयोग गरेकोमा 'अधिकार' संस्था लाई   सहभागी सबैलाई धन्यवाद दिनुभएको थियो | कार्यक्रमको अन्तमा रात्रिभोजको आयोजना गरिएको थियो जस्मा श्री पराजुलीद्वारा रचित गीतहरु बजाइएका थिए |

 

परिता राजभण्डारी

महासचिव , ने सा न्यु योर्क

 

 

 

Other Links
Web Mail
   
Protected Page
 
   
 
   
Copyright © 2009 International Nepali Literary Society, New York.  All Rights Reserved.